වානේ සහ ඇලුමිනියම් සදහා ඇමරිකා එක්සත් ජනපදය පැනවීමට තීරණය කළ නව බදු සම්බන්ධයෙන් ඇමරිකානු රජය සහ ඔස්ට්රේලියානු රජය අතර ඇතිව තිබෙන ගිවිසුම පිළිබඳ ඔස්ට්රේලියානු රජය විනිවිද භාවයෙන් යුතුව කටයුතු කළ යුතු බව කම්කරු පක්ෂයේ ඉදිරි පෙළ මන්ත්රී Jim Chalmers පවසයි.
ඔස්ට්රේලියාව ආරක්ෂාව පිළිබද විශේෂ ගිවිසුමකට එකග වුවහොත් වානේ සහ ඇලුමිනියම් සදහා අදාල බදු අඩු කිරීමට පිලිබදව සලකා බලන බව ඇමෙරිකානු ජනාධිපති ඩොනල්ඩ් ට්රම්ප් Twitter සමාජ ජාලය ඔස්සේ නිකුත් කල ප්රකාශයක සදහන්.
එසේ අදාල ගිවිසුමට එකග වුවහොත් වානේ සදහා අදාල බදු 25% කින්ද ඇලුමිනියම් සදහා අදාල බදු සියයට 10% කින්ද අඩු කිරීමට හැකියාව ඇති බව එම twitter පණිවිඩයේ වැඩි දුරටත් සදහන්.
මේ පිලිබදව තම පරිපාලනය ඔස්ට්රේලියානු රජය සමග සාකච්චා පවත්වමින් සිටින බවද ජනධිපති ට්රම්ප් වැඩි දුරටත් සදහන් කර තිබේ.
අදාල ගිවිසුම පිලිබදව සත්ය තොරතුරු ඕස්ට්රේලියානු රජය ජනතාවට හෙළි කල යුතු බව කම්කරු පක්ෂ සාමාජි Jim Chalmers ඉල්ලා සිටියේය.
මේ අතර ඩොනල්ඩ් ට්රම්ප්, ඔස්ට්රේලියාවෙන් ජාත්යන්තර ආරක්ෂක කටයුතු සදහා අමතර යුධ හමුදා සහාය බලාපොරොත්තු වනු ඇති බවට වාර්තා පළ වුවද ඔස්ට්රේලියානු විදේශ කටයුතු ඇමතිනි ජුලි බිෂොප් එම ප්රකාශය අසත්ය බව පවසයි.
