ඔස්ට්රේලියාවේ ක්රියාත්මක වන ප්රමුඛ පෙළේ අඩු වියදම් ගුවන් සේවාවක් වන Jetstar ගුවන් සේවාව ඔස්ට්රේලියාවේ සිට ශ්රී ලංකාව වෙත ගුවන් ගමන් ආරම්භ කිරීමට නුදුරේදීම සූදානම් වන බව වාර්තා වේ.
ශ්රී ලංකාවේ ඔස්ට්රේලියානු මහ කොමසාරිස් David Holly මහතා මේ බව පැවසූ බව ශ්රී ලංකාවේ Daily News පුවත් පත වාර්තා කරයි.
ඔස්ට්රේලියාවේ ජාතික ගුවන් සේවාව වන Qantas සමාගමේ සම්පූර්ණ අයිතිය හිමි උප සමාගමක් ලෙස Jetstar ගුවන් සේවාව ක්රියාත්මක වේ.
ශ්රී ලන්කන් ගුවන් සේවය විසින් මෙල්බර්න් - කොළඹ සෘජු ගුවන් සේවා ආරම්භ කිරීමත් සමග එය ඉමහත් ජනප්රියතාවට පත්ව ඇති බවත් එනිසාම සිඩ්නි නුවරට ද එම සේවාව ලබා දීමට ඔවුන් අපේක්ෂා කරන බවත් ඔහු පැවසීය.
පසුගිය ජුනි මාසයේ පමණක් ඔස්ට්රේලියාවේ සිට ශ්රී ලංකාවට ගුවනින් පමණක් සංචාරකයින් 4,000 ක් පැමිණි බවද වාර්තා වේ.
Share
