කොරෝනා වසංගතයේ තත්ත්වය සලකා බලා එය පාලනය කිරීම සඳහා අවශ්ය වුවහොත් නිව් සවුට් වේල්ස් ප්රාන්තය මේ සති අන්තයේදී වසා දැමීමට තමන් සූදානම් බව නිව් සවුට් වේල්ස් ප්රාන්ත අගමැතිනී Gladys Berejiklian පවසයි.
කොරෝනා වයිරසයෙන් ඉහළම පීඩාවට පත් ඔස්ට්රේලියානු ප්රාන්තය ලෙස නිව් සවුට් වේල්ස් ප්රාන්තය හැඳින්වේ.
ඔස්ට්රේලියාවේ වැඩිම කොරෝනා ආසාදිතයින් සංඛ්යාවක් තවමත් වාර්තා වන්නේ නිව් සවුත් වේල්ස් ප්රාන්තයෙන් වන අතර එම ප්රමාණය 1,405 කි.
ඊට අමතරව දැනට ඔස්ට්රේලියාවෙන් වාර්තා වන කොරෝනා මරණ 13 න් 7 ක්ම වාර්තා වන්නේ ද නිව් සවුත් වේල්ස් ප්රාන්තයෙනි.
මේ අතර නිව් සවුත් වේල්ස් ප්රාන්තයේ වයිරසය ආසාදනය වී ප්රතිකාර ලබන රෝගීන් 16 දෙනෙකු දැඩි සත්කාර ඒකක වල ප්රතිකාර ලබන බව ද සඳහන්.
කොරෝනා වසංගතය පාලනය කිරීම සඳහා ඔස්ට්රේලියානු මධ්යම රජය මේ වන විට ක්රියාත්මක කර ඇති නීති වලින් සාර්ථක ප්රතිඵල අත් නොවන බවක් පෙනී ගියහොත් නිව් සවුත් වේල්ස් ප්රාන්තයට ඊට වඩා දැඩි නීති අනුගමනය කිරීමට තමන් සූදානම් බව නිව් සවුට් වේල්ස් ප්රාන්ත අගමැතිනී Gladys Berejiklian පවසයි.
