කොරෝනා වසංගතය හේතුවෙන් රැකියා සහ ආදායම් අහිමිවූ නිව් සවුත් වේල්ස් ප්රාන්තවාසීන්ට තම නිවාස කුලිය ගෙවීමේදී සහන සැලසීමට නිව් සවුත් වේල්ස් ප්රාන්ත රජය තීරණය කර තිබේ.
මෙම නව සහන පැකේජයේ පිරිවැය ඩොලර් මිලියන 440 කි.
කොරෝනා වසංගතය හේතුවෙන් තමන්ගේ මාසික අදායම අවම වශයෙන් 25% කින් හෝ අඩුවූ පුද්ගලයින්ගේ නිවාස කුලිය හෝ ව්යාපාරික ස්ථාන කුලිය අදාළ කුලී හිමියා සහ ඒජන්තවරු සමග සාකච්ඡා කොට සහනදායී මට්ටමකට අඩු කරගැනීමට මෙහිදී හැකියාව ලැබේ.
එමෙන්ම මේ සඳහා සුදුසුකම් ලබන නිව් සවුත් වේල්ස් ප්රාන්තවාසීන්ට මාස 6 ක් පුරාවට මෙම සහනය හිමිවේ.
නිව් සවුත් වේල්ස් ප්රාන්තයේ කුලී නිවැසියන්ට සහ ව්යාපාරික ස්ථාන කුලියට ගෙන ඇති පුද්ගලයින්ට මේ සඳහා අයදුම් කළ හැකිය.
එහිදී කුලී මුදල් නොගෙවීම මත අදාළ නිවෙස් වලින් හෝ ව්යාපාරික ස්ථාන වලින් නෙරපීම මාස 6 ක් යනතුරු අත්හිටුව ඇති බවද වාර්තා වේ.
නමුත් නොගෙවූ කුලිය ගෙවීමට ඇති හිඟ මුදල් ලෙස එකතුවන බවත් අවසානයේදී එය ගෙවිය යුතු බවත් වාර්තා වේ.
