ඔස්ට්‍රේලියාවේ ජාතික ප්‍රශ්නයක් ලෙස මෙරටට පැමිණෙන සංක්‍රමණිකයින් ප්‍රමාණය සැලකුවහොත් එය කප්පාදු කිරීමට තමන් සූදනම් බව ස්වාදේශ කටයුතු අමාත්‍ය Peter Dutton පවසයි.
කම්කරු පක්ෂ රජය යටතේ ආරම්භ කළ සංක්‍රමණිකයින් වැඩසටහන යටතේ සංක්‍රමණිකයින් වාර්ෂිකව ලක්ෂ 3 කට අධික සංඛ්‍යාවක් ඔස්ට්‍රේලියාවට ගනු ලැබුවද ලිබරල් සන්ධාන රජය එය වාර්ෂිකව 190,000 කට අඩු කරනු ලැබීය.
එම ප්‍රමාණය තවත් පහළට ගෙන ඒමට අවශ්‍යනම් රජය එයද කිරීමට සූදානම් බව අමාත්‍ය Peter Dutton පවසයි.
මේ අතර ඔස්ට්‍රේලියාවට තවදුරටත් නීත්‍යානුකූල සංක්‍රමණිකයින් ව හැසිරවීමට නොහැකි බව නව ලිබරල් සෙනට් සභික Jim Molan තම මංගල කතාවේදී පැවසුවේය.
ඔස්ට්‍රේලියාව මේ වන විටත් සංක්‍රමණිකයින් බාර ගැනීමේ අවසාන සීමාව කරා පැමිණ ඇති බවද ඔහු පෙන්වා දුන්නේය.
