ශ්රී ලංකාවේ ජනාධිපතිවරණ ප්රචාරක කටයුතු මේ වන විට අවසන් වී ඇති බැවින් සමාජ ජාල මාධ්යවල අසත්ය ප්රකාශ, වෛරී සහගත ප්රකාශ සහ අපේක්ෂකයින් ප්රවර්ධනය කිරීම තවදුරටත් සිදු නොකරන ලෙස ජාතික මැතිවරණ කොමිෂන් සභාවේ සභාපති මහින්ද දේශප්රිය මහතා ඉල්ලීමක් කරයි.
ඊයේ පස්වරුවේ මාධ්ය වෙත විශේෂ ප්රකාශයක් නිකුත් කරමින් ඒ මහතා මේ අදහස් පළ කළේය.
ඡන්ද අයිතිය උල්ලංඝනය වන අයුරින් කටයුතු කරන ඕනෑම පුද්ගලයෙකු සිර දඬුවමකට හෝ දඩ මුදලකට යටත් වීමට සිදුවන බව ද මැතිවරණ කොමිසම පවසයි.
ජනාධිපතිවරණ ප්රචාරක කටයුතු මේ වන විට අවසන් වී ඇති බැවින් මැතිවරණ නීති උල්ලංඝනය කරමින් සමාජ ජාල මාධ්ය භාවිතා කළහොත් සමාජ ජාල අවහිර කිරීමට වුවද සිදුවිය හැකි බවට ජාතික මැතිවරණ කොමිෂන් සභාවේ සභාපති මහින්ද දේශප්රිය මහතා එහිදී අනතුරු ඇඟවීය.
Share
