ලබන සතියේ තම ඉන්දීය සංචාරයේදී ඔස්ට්රේලියාව සහ ඉන්දියාව අතර බලශක්තිය, අධ්යාපනය සහ වෙළෙඳ ඇතුළු ක්ෂේත්ර ගණනාවක් සම්බන්ධයෙන් එකඟතා ඇති කරගැනීමට අපේක්ෂා කරන බව ඔස්ට්රේලියානු අග්රාමාත්ය Malcolm Turnbull පවසයි.
අගමැති Turnbull, අද දහවල් පැපුවා නිව් ගීනියාව වෙත පිටත්ව ගිය අතර එළඹෙන ඉරිදා (09/04) ඉන්දියාව බලා යාමට නියමිතය.
ඔහු ලබන බදාදා (12/04) තෙක් ඉන්දියාවේ රැදී සිටිනු ඇත.
ඉන්දියානු අග්රාමාත්ය Narendra Modi සමග තමන් ඇතිකරගෙන තිබු පෙර සබඳකම් මෙම සංචාරයෙන් තවත් ශක්තිමත් කර ගැනීමට තමන් අපේක්ෂා කරන බව අගමැති Turnbull පැවසුවේය.
ඔස්ට්රේලියා - ඉන්දියානු සම්බන්ධතා වලින් අපරිමිත අන්යොන්ය අවස්ථා තවත් ලබා ගැනීමට හැකි බව ද ඔහු සිඩ්නි නුවරදී මාධ්යවේදීන් හට පවසා තිබේ.
Share
