තවමත් ලොව ජනප්රියම රජ කුමරිය ලෙස විරුදාවලිය ලත් එංගලන්තයේ ඩයනා කුමරියගේ 20 වන ගුණානුස්මරණය වෙනුවෙන් ඊයේ (30/08) දින ඩයනා කුමරිය වාසය කළ ලන්ඩන් නුවර Kensington මාළිගාවෙහි ඇය වෙනුවෙන් නිමවා ඇති ස්මාරකය වෙත ඇගේ පුතුන් දෙදෙනා වන විලියම් සහ හැරී කුමරුන් සහ කේට් කුමරිය පුෂ්පෝහාර දක්වා තිබේ.
මේ අවස්ථාවට ඩයනා කුමරියට ආදරය කරන ජනතාව විශාල ප්රමාණයක් පැමිණ සිටි බවත් ඔවුන් රැගෙන ආ මල් කළඹවල්ද විලියම් සහ හැරී කුමාරවරුන් දෙපල කුමරියගේ ස්මාරකය අසළ තැන්පත් කළ බවද සඳහන්.
1961 වසරේ ජූලි 01 වන දින උපත ලැබූ ඩයනා කුමරිය 1967 වසරේ අගෝස්තු 31 වන දින රිය අනතුරකින් ජීවිතක්ෂයට පත් වුවාය.
ඒ අනුව ඇගේ 20 වන ගුණානුස්මරණය අදට යෙදී තිබෙන අතර විලියම් සහ හැරී කුමරුන් මෙන්ම කේට් කුමරියද අද එම නිල සැමරුම සඳහා සහභාගී වීමට නියමිත බවද වාර්තා වේ.
20 වන සියවසේ විශාලතම සහ වැඩිම පිරිසක් සජීවීව නැරඹු අවමංගල උත්සවය ලෙසද ඩයනා කුමරියගේ අවමංගල උත්සවය ඉතිහාසගත වී ඇත.
