ශ්රී ලංකාව පුරා හදිසි නීතිය බලාත්මක කරමින් ඊයේ (අප්රේල් 01) රාත්රියේ ජනාධිපති ගෝඨාභය රාජපක්ෂ මහතාගේ නියමය පරිදි ජනාධිපති ලේකම්වරයා විසින් අතිවිශේෂ ගැසට් නිවේදනයක් නිකුත් කර තිබේ.
රට තුළ මහජන හදිසි අවස්ථා තත්ත්වයක් පැවතීම හේතුකොට ගෙන මහජන ආරක්ෂාව සහ රටේ යථා පැවැත්ම සුරක්ෂිත කිරීම හා ජන ජීවිතයට අත්යවශ්ය සැපයීම් හා සේවා පවත්වාගෙන යාම සඳහා හදිසි නීතිය පනවන බව, ජනාධිපතිවරයා නිකුත් කළ අතිවිශේෂ ගැසට් නිවේදනයේ සඳහන් වේ.
මහජන ආරක්ෂක ආඥා පනතේ දෙවන වගන්තියෙන් පැවරී ඇති බලතල ප්රකාරව ඊයේ දින සිට ක්රියාත්මක වන පරිදි හදිසි නීතිය ක්රියාත්මක බවද එම අතිවිශේෂ ගැසට් නිවේදනයේ සඳහන් වේ.
මේ අතර ඊයේ (අප්රේල් 01) මධ්යම රාත්රියේ සිට බස්නාහිර පළාතට පොලිස් ඇඳිරි නීතිය පැනවූ අතර අද (අප්රේල් 2 දා) උදෑසන 6.00 ට එය ඉවත් කොට තිබේ.
හදිසි නිතිය පැනවීමට අදාළ ගැසට් නිවේදනය පහතින්
