නව බ්රිතාන්ය කොරෝනා ප්රබේදය මගින් ඕස්ට්රේලියානුවන් ආරක්ෂා කරගැනීම සඳහා නගරාශ්රිත ප්රදේශයෙන් බැහැරව නව නිරෝධායන මධ්යස්ථාන පිහිටුවීම සඳහා ක්වීන්ස්ලන්ත අග්රාමාත්යවරිය වන Annastacia Palaszczuk යෝජනා කොට තිබේ.
පසුගියදා බ්රිස්බේන් හි නිරෝධායන හෝටලයකින් මෙම නව කොරෝනා ප්රබේදය වැළඳුනු ආසාදිතයින් 6 දෙනෙකු හඳුනාගත් අතර මෙම යෝජනාව සඳහා එම සිදු වීම හේතු වී තිබේ. මෙම නිරෝධායන මධ්යස්ථානයේ පිරිසිදු කරන්නියක සහ ඇයගේ සහකරුද මෙම හඳුනාගත් අසාදිත පුද්ගලයින් අතර සිටින බව වාර්තා වේ.
ක්වීන්ස්ලන්ත ප්රාන්ත අග්රාමාත්යවරිය පෙන්වා දෙන්නේ මෙවැනි තත්වයක් මත නගරාශ්රිත ප්රදේශයේ නිරෝධායන මධ්යස්ථාන පැවැත්වීම පැහැදිලි ලෙසම අවදානම් සහිත වන බවයි. මේ හේතුවෙන් ඉඩ ප්රස්තාව පවතින, ප්රාදේශීය පතල් කඳවුරු මින් ඉදිරියට නිරෝධායන මධ්යස්ථාන ලෙස භාවිත කිරීමට ඇය යෝජනා කොට තිබේ.
ප්රාන්ත අග්රාමාත්යවරිය සිය යෝජනාව ජනවාරි 22 වන දින ජාතික කැබිනට් මණ්ඩලය වෙත භාරදීමට නියමිතයි.
