ශ්රී ලංකා විදේශ කටයුතු අමාත්ය රවී කරුණානායක මහතා මීට සුළු මොහොතකට පෙර පාර්ලිමේන්තුවේ දී විශේෂ ප්රකාශයක් කරමින් සිය අමාත්ය ධූරයෙන් ඉල්ලා අස්වී ඇති බව වාර්තා වේ.
මහ බැංකු බැඳුම්කර වංචාව සම්බන්ධයෙන් ඔහුගේ නාමයද සම්බන්ධ වී ඇති අතර ඒ හා සම්බන්ධ ප්රධාන චූදිතයා වන පර්පචුවෙල් ආයතනයේ හිමිකරු වන අර්ජුන් ඇලෝසියස් මහතාගෙන් අධික වටිනාකමකින් යුත් සුඛෝපභෝගී නිවෙසක් ලබා ගැනීම සම්බන්ධයෙන් ද රවී කරුණානායක අමාත්යවරයා පසුගිය සතියේදී බැඳුම්කර වංචාව පිළිබඳ ජනාධිපති කොමිසම ඉදිරියේ ප්රශ්න කරනු ලැබීය.
මේ හේතුවෙන් රවී කරුණානායක අමාත්යවරයාට සිය අමාත්ය ධුරයෙන් ඉවත්වන්නැයි පක්ෂ විපක්ෂ දේශපාලනඥයින් රැසක් ඉල්ලීම් කර තිබිණි.
මේ සම්බන්ධව සාකච්ඡා කිරීමට ඊයේ ජනපති, අගමැති හා කරුණානායක අමාත්යවරයා අතර විශේෂ සාකච්ඡාවක්ද පැවැත්විණි.
Share
