කම්කරු පක්ෂයේ ජ්යෙෂ්ඨ සෙනට් සභික ධුරයෙන් ඉවත්වන ලෙස තමන් සෙනට් සභික Sam Dastyari හට ඊයේ රාත්රියේදී දැනුම් දුන් බව කම්කරු පක්ෂ නායක බිල් ශෝටන් නිවේදනයක් නිකුත් කරමින් පවසයි.
දකුණු චීන මුහුදේ ආරක්ෂක ප්රතිපත්තිය පිළිබඳ කම්කරු පක්ෂය දරන මතයට පටහැනි මතයක් ඉදිරිපත් කරමින් 2016 වසරේ ජුනි මාසයේදී චීන ජනමාධ්යවේදීන් හමුවේ සෙනට් සභික Sam Dastyari සිදු කළ අදහස් දැක්වීමක හඬ පටයක් පිටවීමත් සමග මේ තත්ත්වය උද්ගත වී ඇත.
දකුණු චීන මුහුද පිළිබඳ ඔස්ට්රේලියාවට අයිතියක් නොමැති බවත් එම අර්බුදයේදී ඔස්ට්රේලියාව පසෙකට විය යුතු බවත් චීනය සමග පවතින මිත්රත්ත්වය ඉදිරියට ගෙන යාමට කම්කරු පක්ෂය කටයුතු කළ යුතු බවත් ඔහු එහිදී පවසා තිබේ.
කෙසේවෙතත්, Sam Dastyari ගේ මෙම ක්රියා කලාපය පක්ෂයේ ප්රතිපත්ති වලට පටහැනි බව ද විපක්ෂ නායකවරයා පවසා තිබේ.
මේ අතර මෙම ප්රශ්නය පිළිබඳ මුල සිටම විමසන විට Sam Dastyari සාවද්ය ප්රකාශ සිදු කළ බව මධ්යම රජයේ නීතිපති George Brandis, A-B-C පුවත් සේවයට පැවසීය.
SBS පුවත් ඇසුරෙනි.
