ඔස්ට්රේලියාවේ සමලිංගික විවාහ නීතිගත කිරීම උදෙසා පැවැත්වෙන තැපැල් සමීක්ෂණයේ මේ වන විට සුදුසුකම් ලැබූ ඡන්ද දායකයින්ගෙන් 57.5% ක් පමණ තම මනාපය පළ කර ඇති බව ඔස්ට්රේලියානු සංඛ්යාලේඛන කාර්යාංශය පවසයි.
පසුගිය සති අන්තය වන විට මනාපය ලකුණු කළ සමීක්ෂණ පත්රිකා මිලියන 9.2 ක් පමණ ලැබුණු බව ඔස්ට්රේලියානු සංඛ්යාලේඛන කාර්යාංශය අනවරණය කරයි.
මෙම තැපැල් සමීක්ෂණය සඳහා තම මනාපය මෙතෙක් පළ නොකළ ඡන්ද දායකයින් හට නොවැම්බර් 07 වන දින දක්වා කල් ඇති බව ඔස්ට්රේලියානු සංඛ්යාලේඛන කාර්යාංශයේ නියෝජ්ය සංඛ්යාලේඛනඥ Jonathan Palmer පැවසීය.
එළඹෙන නොවැම්බර් 07 වන දින මෙම තැපැල් සමීක්ෂණය අවසන් වන තෙක්ම සතිපතා පැමිණෙන සමීක්ෂණ පත්රිකා පිළිබඳ මහජනතාව දැනුවත් කරන බවද කාර්යාංශය පවසයි.
මෙම තැපැල් සමීක්ෂණයේ අවසන් ප්රතිඵල නොවැම්බර් 15 වන දින ප්රකාශ කිරීමට නියමිතය.
Share
