ශ්රී ලංකාවේ සියලු ආරක්ෂක අංශ නියෝජනය වන පරිදි ෆීල්ඩ් මාර්ෂල් සරත් ෆොන්සේකා මහතාට ඉහළ තනතුරක් ලබාදීමේ හැකියාව සම්බන්ධයෙන් කැබිනට් මණ්ඩයේ සාකච්ඡාවට ලක් කෙරුණු බව කැබිනට් මාධ්ය ප්රකාශක, අමාත්ය රාජිත සේනාරත්න මහතා ඊයේ (26/04) ප්රකාශ කළේය.
රටේ ඇතිවී තිබෙන උද්ඝෝෂණ රැල්ල පාලනය කිරීමට සහ ප්රධාන වශයෙන් අංශ කිහිපයක විනය ගොඩනැංවීම අරමුණු කර ගනිමින් සරත් ෆොන්සේකා මහතාට මෙම තනතුර ලබාදම කෙරෙහි ජනාධිපතිවරයා අවධානය යොමු කළ බව හෙතෙම පැවසුවේය.
නිසි බලතල ඇතිව දෙන්නේ නම් එම ධුරය තමා එය බාර ගැනීමට සූදානම් බව සරත් ෆොන්සේකා මහතා පවසා තිබේ.
තවද, අමාත්ය ධූරයෙ සිටින අතරවාරයේ අමතර වගකීමක් ලෙස එය පැවරීම පිළිබඳ අවධානය යොමු කළද, ඊට අදාළ නිසි ක්රමවේදයක් සාකච්ඡා නොකළ බවත්, ඒ සම්බන්ධයෙන් ජනාධිපතිවරයා විසින් නිශ්චිත උපදෙස් ලබා නොදුන් බවත් ඔහු පැහැදිලි කළේය.
Share
