ශ්රී ලංකාවේ පවතින විහාරස්ථාන පාලනය කිරීමට හෝ විහාරස්ථානවල කටයුතුවල මැදිහත්වීමට ශ්රී ලංකා රජයට කිසිදු බලයක් නොමැති බව අග්රාමාත්ය රනිල් වික්රමසිංහ මහතා ප්රකාශ කර තිබේ.
අද(12/07) පෙරවරුවේ අරලියගහ මන්දිරයේ දී තරුණ භික්ෂු එකමුතුවේ ස්වාමීන් වහන්සේලා පිරිසක් සමඟ පැවති සාකච්ඡාවකට එක්වෙමින් අගමැතිවරයා මෙම අදහස් පැවසුවේය.
ජනමාධ්ය විසින් අනවශ්ය ප්රශ්න ඇති කිරීමට උත්සහ ගන්නා බවත් කිසි විටෙකත් ආගම සමඟ දේශපාලනය නොකරන ලෙසත් අගමැතිවරයා එහිදී දේශපාලඥයින්ගෙන් ඉල්ලා සිටියේය.
මේ අතර යෝජිත නව ආණ්ඩුක්රම ව්යවස්ථාව මේ වන විට සකස් කරමින් සිටින අතර ඒ තුළින් බුදු දහමට ලබා දී ඇති ප්රමුඛස්ථානය අහිමි නොකරන බව ද අගමැතිවරයා පැවසීය.
Share
