සංචාරක ඉන්දීය ක්රිකට් කණ්ඩායම සමග සිඩ්නි හි පැවති තුන්වන ටෙස්ට් තරඟයේ සිව් වන දිනය වූ ඊයේ දිනයේදී ඉදිරියට පැමිණීමට ඕස්ට්රේලියානු පිල සමත් වී තිබේ.
සිය දෙවන ඉනිම සඳහා ලකුණු 407ක ඉලක්කයක් හඹා යන ඉන්දීය පිල දිනය නිමා වන විට කඩුලු 2ක් දැවී රස කරගෙන තිබූ ලකුණු සංක්යාව 98ක්.
මේ අනුව සංචාරක ඉන්දියානු පිල ඕස්ට්රේලියානු පිලට වඩා ලකුණු 308ක් පිටුපසින් සිටී.
මේ අතර, සිඩ්නි ක්රිකට් ක්රීඩාංගනයේ ඊයේ පැවති තරඟය අතරතුරදී ප්රේක්ෂකයින් කණ්ඩායමක් විසින්, පන්දු රකිමින් සිටි ඉන්දීය ක්රිකට් කණ්ඩායමට වර්ගවාදී වාග් ප්රහාර සිදු කොට ඇති අතර ඒ සම්බන්ධයෙන් Cricket Australia සහ NSW පොලිසිය විමර්ශන ආරම්භ කොට තිබේ
මෙම සිදු වීම හේතුවෙන් ඊයේ දිනයේදී තරඟය මිනිත්තු 10කට පමණ තාවකාලිකව නැවත්වීමට සිදුව ඇති අතර NSW පොලිසිය මගින් මෙලෙස වර්ගවාදී වාග් ප්රහාර සිදු කල ප්රේක්ෂකයින් කණ්ඩායම ප්රේක්ෂකාගාරයෙන් ඉවත් කොට තිබේ.
මේ සම්බන්ධයෙන් අදහස් දක්වන ඉන්දීය ක්රිකට් පිලේ Ravichandran Ashwin පවසා සිටින්නේ මෙය මෙලෙස වර්ගවාදී ලෙස ප්රේක්ෂකයින් හැසිරුණ පළමු අවස්ථාව නොවන අතර මෙම පිළිගත නොහැකි හැසිරීම මින් ඉදිරියට නොවීම සඳහා ක්රියා කරන බවයි.
