ශ්රී ලංකාව සහ බංග්ලාදේශය අතර අද පැවති එක් ක්රිකට් තරගයෙන් කඩුලු 10ක ජයක් අත් කරගනිමින් තුන්කොන් එක් දින ක්රිකට් තරගාවලියේ අවසන් මහා තරගයට සුදුසුකම් ලබන්නට ශ්රී ලංකා ක්රිකට් කණ්ඩායම මීට මොහොතකට පෙර සමත් විය.
පළමුවෙන් පන්දුවට පහර දුන් බංග්ලාදේශ පිතිකරුවන් ලකුණු 82කට සීමා කරන්නට ශ්රී ලංකා පන්දු යවන්නන් සමත් විය. ශ්රී ලංකාව වෙනුවෙන් පන්දු යැවීමේදී සුරංග ලක්මාල් කඩුලු 3ක් දවාගත් අතර, දුෂ්මන්ත චමීර, තිසර පෙරේරා සහ ලක්ෂාන් සදකෑන් කඩුලු දෙක බැගින් දවගන්නට සමත් විය.
අනතුරුව පන්දු වාර 11කුත් පන්දු පහකදී කිසිදු කඩුල්ලක් නොදැවී ලකුණු 83ක් වාර්තා කරමින් තරගයේ ජය සහතික කරගන්නට ශ්රී ලංකා ක්රීඩකයින් සමත් විය.
ශ්රී ලංකාව සහ බංග්ලාදේශය අතර තරගාවලියේ අවසන් මහා තරගය 27 වැනි සෙනසුරාදා පැවැත්වීමට නියමිතයි.
Share
