20 වන ආණ්ඩුක්රම ව්යවස්ථා සංශෝධන පනත් කෙටුම්පතට ඊයේ (02/09) පැවති කැබිනට් මණ්ඩල රැස්වීමේ දී අනුමැතිය හිමිව තිබේ.
ඒ අනුව මෙම කෙටුම්පත ගැසට් පත්රයක් මගින් ප්රසිද්ධ කිරීමටද ඊයේ අනුමැතිය හිමිව ඇති අතර එය තව සති දෙකකින් පමණ පාර්ලිමේන්තුවට ඉදිරිපත් කෙරෙනු ඇතැයි අපේක්ෂා කෙරේ.
මේ අතර 20 වෙනි ආණ්ඩුක්රම ව්යවස්ථා සංශෝධනය සඳහා ජනමත විචාරණයක් අනවශ්ය බවත් පාර්ලිමේන්තුවේ තුනෙන් දෙකක බලයෙන් එය සම්මත කර ගැනීමේ හැකියාව ඇති බවත් නීතිපති දප්පුලද ලිවේරා මහතා සඳහන් කොට තිබේ.
එමෙන්ම 19 වන ආණ්ඩුක්රම ව්යවස්ථා සංශෝධනයේ ඇති තොරතුරු දැනගැනීමේ අයිතිය, ජනාධිපතිවරයාගේ හා පාර්ලිමේන්තු ධුර කාලය වසර 5 කට සීමා කිරීම, ජනාධිපතිවරයාට තරඟ කළ හැකි වාර ගණන දෙවරකට සීමා වීම හැරුණු කොට 19 වන සංශෝධනයේ සෙසු සියලු කරුණු ඉවත් කිරීමට පනත් කෙටුම්පතින් තීරණය වී තිබේ.
Share
