අග්නිදිග ආසියාතික කලාපයේ බරවා රෝගය තුරන් කළ දෙවැනි රට ශ්රී ලංකාව බව ලෝක සෞඛ්ය සංවිධානය විසින් ඊයේ (21 දා) නිල වශයෙන් ප්රකාශයට පත් කළේය. ශ්රී ලංකාව බරවා රෝගය තුරන් කළ බවට සහතික කරන නිල සහතික පත්රය ලෝක සෞඛ සංවිධානයේ අග්නිදිග ආසියාතික කලාපීය අධ්යක්ෂිකා වෛද්ය පුනම් තෙත්රහල් සිං මහත්මිය විසින් සෞඛ්ය ඇමැති වෛද්ය රාජිත සේනාරත්න මහතා වෙත ඊයේ කොළඹ බණ්ඩාරනායක ජාත්යන්තර සම්මන්ත්රණ ශාලාවේ පැවැති විශේෂ උත්සවයකදී භාරදෙනු ලැබීය.
මෙහිදී බරවා රෝගය මෙරටින් තුරන් කිරීමට දායක වූ බරවා රෝග මර්දන ව්යාපාරයේ හිටපු අධ්යක්ෂකවරුන්, මහජන සෞඛ්ය පරීක්ෂකවරුන් ඇතුළු නිලධාරීන්ට උපහාර තිළිණ ප්රදානය කිරීමක් ද ලෝක සෞඛ්ය සංවිධානයේ ශ්රී ලාංකීය කාර්යාලය විසින් ඊයේ සිදුකොට තිබේ.
දැනට බෝ නොවන රෝග මර්දනය කිරීම අතින් මෙන්ම ප්රතිශක්තිකරණය ඇතුළු සෞඛ්ය ක්ෂෙත්රයේ අංශයන් ගණනාවක විශාල ප්රගතියක් ශ්රී ලංකාව අත්කර ගෙන ඇති බවද මෙම අවස්ථාවට එක්වෙමින් අදහස් දැක්වූ ලෝක සෞඛ සංවිධානයේ අග්නිදිග ආසියාතික කලාපීය අධ්යක්ෂිකා වෛද්ය පුනම් තෙත්රහල් සිං මහත්මිය ප්රකාශ කොට තිබේ.
