ඕස්ට්රේලියාවේ Refugee Council Australia මගින් ඕස්ට්රේලියාවේ ප්රජාව තුළ සරණාගතභාවය අපේක්ෂා කරන පුද්ගලයින් පිළිබඳ සංඛ්යාලේඛන නිකුත් කොට තිබේ. මෙම සංවිධානය සරණාගතයින් සඳහා සහාය දක්වන මෙන්ම පෙනී සිටින සංවිධාන සම්බන්ධයෙන් කටයුතු කරන සංවිධානයක් වේ. ඔවුන් සඳහන් කොට සිටින්නේ ඕස්ට්රේලියාවේ සරණාගත බව පතන පුද්ගලයින්ගෙන් ඇතැම් පිරිසක් ගුවන් මගින් පැමිණෙන අතර ඇතැම් පිරිසක් බෝට්ටු මගින් පැමිණ ඇති බවයි.
Refugee Council Australia මගින් ප්රජාව තුළ සරණාගතභාවය අපේක්ෂා කරන පුද්ගලයින් සම්බන්ධයෙන් නිකුත් කල නවතම දත්ත වලට අනුව ඕස්ට්රේලියාවේ සරණාගත බව පතන පිරිස අතර ශ්රී ලාංකිකයින් පළමු ස්ථානයේ පසුවේ.
වික්ටෝරියා ප්රාන්තය
වික්ටෝරියා ප්රාන්තය ඕස්ට්රේලියාවේ ජිවත් වන ජනගහනයෙන් දෙවන විශාලතම ජනගහනයක් වාර්තා වන ප්රාන්තය වේ.
Refugee Council Australia පෙන්වා දෙන්නේ වික්ටෝරියා ප්රාන්තය තුල Bridging visa E (BVE) යන කාණ්ඩය මත ජීවත්වන සැලකිය යුතු පිරිසක් සිටින බවයි.
Bridging visa E (BVE) යන වීසා බලපත්රය ඔස්සේ පුද්ගලයින් හට ආගමන කටයුතු සම්බන්ධයෙන් තීරණයක් ලැබෙන තුරු ඕස්ට්රේලියාවේ නීත්යානුකූලව රැඳී සිටීමට ඉඩ සලසයි.
වික්ටෝරියා ප්රාන්තය තුල Bridging visa මත සිටින බොහෝ පිරිසක් මෙල්බර්න් හෝ ඒ ආසන්නයේ ජීවත් වේ.
එමෙන්ම මෙලෙස වික්ටෝරියා ප්රාන්තය තුල Bridging visa E (BVE) යන වීසා බලපත්රය මත සිටින පිරිසෙන්, ශ්රී ලාංකිකයින් ප්රමුඛ ස්ථානයක් ගන්නා අතර එම සංක්යාව 1,416ක් වන බව Refugee Council Australia නවතම දත්ත පෙන්වා දෙයි.
වික්ටෝරියා ප්රාන්තය තුල Bridging visa මත සිටින සෙසු ජාතීන් ගත් කල, පිලිවෙලින් ඉරානය දෙවන ස්ථානයේත් පාකිස්ථානය තුන්වන ස්ථානයේත් පසුවේ.
වික්ටෝරියා ප්රාන්තයේ Bridging visa E (BVE) මත සිටින පුද්ගලයින් වයස් මට්ටමින් ගත් කල, මෙම වසරේ මාර්තු මස 31 වැනිදා වන විට වයස අවුරුදු 26ත් 35ත් අතර වයසේ සහ 36ත් 45ත් අතර වයසේ පසුවන පුද්ගලයින් වැඩි පිරිසක් සරණාගත බව පතන බව සඳහන් වේ.
එමෙන්ම වික්ටෝරියා ප්රාන්තය තුල සමස්තයක් ලෙස පිරිමි පුද්ගලයින් 3,742දෙනෙකු සහ කාන්තාවන් 955 දෙනෙකු මෙම Bridging visa E (BVE) මත සිටී.
නිව් සවුත් වේල්ස් ප්රාන්තය
නිව් සවුත් වේල්ස් ප්රාන්තය, ඕස්ට්රේලියාවේ විශාලතම පිරිසක් Bridging visa E (BVE) මත සිටින ප්රාන්තය වශයෙන් වාර්තා වේ.
Refugee Council Australia පෙන්වා දෙන්නේ නිව් සවුත් වේල්ස් ප්රාන්තය තුල Bridging visa මත සිටින බොහෝ පිරිසක් සිඩ්නි හෝ ඒ ආසන්නයේ ජීවත් වන බවයි.
වික්ටෝරියා ප්රාන්තය මෙන්ම නිව් සවුත් වේල්ස් ප්රාන්තය තුලත් Bridging visa E (BVE) යන වීසා බලපත්රය මත සිටින පිරිසෙන් ශ්රී ලාංකිකයින් ප්රමුඛ ස්ථානයක් ගන්නා අතර එම සංක්යාව 1,263ක් වේ.
———————————————————————————
ඩිජිටල් සහ සමාජ මාධ්ය ජාලයන්හි අපගේ SBS සිංහල සේවය හා සම්බන්ධ වීමට:
SBS සිංහල වෙබ් අඩවිය: www.sbs.com.au/sinhalese
SBS සිංහල Facebook පිටුව: www.facebook.com/SBSSinhala
SBS Audio App: App Store
හෝ Google Play
වෙතින් SBS Radio App නොමිලයේ Download කරගෙන සජීවීව SBS සිංහල වැඩසටහන සහ අපගේ අනෙකුත් podcast වලට සවන් දෙන්න.
———————————————————————————
නිව් සවුත් වේල්ස් ප්රාන්තය තුල Bridging visa මත සිටින සෙසු ජාතීන් ගත් කල, පිලිවෙලින් ඉරානය දෙවන ස්ථානයේත් බංග්ලාදේශය තුන්වන ස්ථානයේත් පසුවේ.
නිව් සවුත් වේල්ස් ප්රාන්තයේ Bridging visa E (BVE) මත සිටින පුද්ගලයින් වයස් මට්ටමින් ගත් කල, මෙම වසරේ මාර්තු මස 31 වැනිදා වන විට වයස අවුරුදු 26ත් 35ත් අතර වයසේ සහ 36ත් 45ත් අතර වයසේ පසුවන පුද්ගලයින් වැඩි පිරිසක් සරණාගත බව පතන බව Refugee Council Australia දත්ත පෙන්වා දෙයි.
එමෙන්ම නිව් සවුත් වේල්ස් ප්රාන්තය තුල සමස්තයක් ලෙස පිරිමි පුද්ගලයින් 3,433දෙනෙකු සහ කාන්තාවන් 499 දෙනෙකු මෙම Bridging visa E (BVE) මත සිටී.
ඕස්ට්රේලියාවේ ප්රාන්ත වශයෙන් ගත් කල එම සෑම ප්රාන්තයකම පාහේ සරණාගත බව පතන පිරිස් අතුරින් ශ්රී ලාංකිකයින් පළමු ස්ථානයේ පසුවේ.
ප්රජා තුල සරණාගත බව පතන Bridging visa E (BVE) මත සිටින ශ්රී ලාංකික පිරිස ප්රාන්ත වශයෙන් පහත දැක්වේ.
- ක්වීන්ස්ලන්ත ප්රාන්තය - ශ්රී ලාංකිකයින් 310
- දකුණු ඕස්ට්රේලියා ප්රාන්තය - ශ්රී ලාංකිකයින් 144
- බටහිර ඕස්ට්රේලියා ප්රාන්තය - ශ්රී ලාංකිකයින් 152
- ඕස්ට්රේලියානු කැපිටල් ටෙරිටරිය - ශ්රී ලාංකිකයින් 38
