සංචාරක ශ්‍රී ලංකා පිල හා පාකිස්තානය අතර පැවැත්වෙන තරග දෙකකින් සමන්විත ටෙස්ට් තරගාවලියේ දෙවැනි සහ අවසන් ටෙස්ට් තරගය අද (19/12) පාකිස්තානයේ කරච්චි ජාතික ක්‍රීඩාංගණයේදී ආරම්භ වෙයි.
රාවල්පින්ඩි නුවර පැවති පළමු ටෙස්ට් තරගය වර්ෂාව හා අයහපත් ආලෝක තත්ත්වයෙන් ජය පැරදුමෙන් තොරව නිමාවට පත්විය. එහෙත් අද තරඟයට කරච්චි නුවර ආශ්‍රිතව යහපත් කාලගුණයක් පවතිනු ඇති බවට අනාවැකි පලව ඇත. අද ආරම්භවන තරඟය ජයගන්නා කණ්ඩායමට 1:0 ක් ලෙසට තරඟාවලිය ජයගනු ඇත.
ශ්‍රී ලංකාව හා පාකිස්තානය අතර මෙතෙක් ටෙස්ට් තරග 54ක් පවත්වා ඇති අතර එයින් තරග 19ක් පාකිස්තානය ජයග්‍රහණයකර ඇති අතර තරග 16ක් ශ්‍රී ලංකාව ජයගෙන තිබේ. එසේම තරග 19ක් ජය පරාජයෙන් තොරව නිමාකර තිබේ.
මේ අතර පළමු ටෙස්ට් තරඟයේදී මස්පිඬු වල අභාදයක් හේතුවෙන් කණ්ඩායමෙන් ඉවත්වුණු වේගපන්දු යවන ක්‍රීඩක කසුන් රාජිත වෙනුවට ලසිත් ඇඹුල්දෙනිය යොදා ගන්න බවට නායක දිමුත් කරුණාරත්න පවසා තිබේ.
