අද ඉදිරිපත් කෙරෙන නිව් සවුත්වේල්ස් ප්රාන්ත රජයේ අයවැයයෙන් රැකියා හා ආර්ථිකය කෙරෙහි අවධානය යොමු කිරීමට අමතරව ප්රාන්තවාසීන් හට යම් ආකාරයක මුල්ය ප්රදාන ලබාදීමේ යෝජනාවක් ද ඇතුලත්ව තිබේ.
කොරෝනා වසංගතය හේතුවෙන් සමාජයේ ඇතිව තිබෙන දැවැන්ත මානසික පීඩනය සඳහා යම් අස්වැසිල්ලක් ලබාදීමේ අරමුණින් මහජනතාව සඳහා මුදල් වවුචර ලබාදීමට මෙවර අයවැයෙන් යෝජනාකොට තිබීම විශේෂත්වයක්.
ඒ අනුව ප්රාන්තයේ සෑම වැඩිහිටියකුටම ආහාරපාන, විනෝදාස්වාදය සහ විනෝදය උදෙසා ඇති විවිද ක්රියාකාරකම් සඳහා වෙන වෙනම ඩොලර් 25 ක වටිනාකමක් ඇති මුදල් වවුචර හතරක් ලබා දීමට නියමිතයි.
මෙම වවුචර වෙන වෙනම අදාළ ක්රියාකාරකම් සඳහා වියදම් කලයුතු අතර, ඒවා සියල්ල එක්කොට එක් වියදමක් ලෙසට භාවිත කිරීමට අවස්ථාව නොලැබේ. මේ මඟින් කොරෝනා හේතුවෙන් පසුගාමී වී ඇති ප්රාන්ත ආර්ථිකයට ඩොලර් මිලියන 500 ක පමණ මුදල් සංසරණයක් සිදුවෙනු ඇතැයි ප්රාන්ත ආර්ථික විශේෂඥයෝ ඇස්තමේන්තු කොට සිටිති.
ප්රාන්ත රජයේ භාණ්ඩාගාරික Dominic Perrottet විසින් අයවැය ඉදිරිපත් කරනු ඇති.
Share
