සුපිරි ඕස්ට්රේලියානු පිතිකරු ඩේවිඩ් වෝනර් එක් දින ක්රිකට් පිටියෙන් සමුගැනීම නිවේදනය කර තිබේ.
ඩේවිඩ් වෝනර් එක්දින පිටියෙන් ද සමුගන්නා බවට එලෙස නිවේදනය කළේ සිය අවසන් ටෙස්ට් තරගයට දින තුනකට පෙරවීම විශේෂත්වයක්. මේ දිනවල පැවැත්වෙන ඕස්ට්රේලියා - පකිස්ථාන ටෙස්ට් තරඟාවලියේ අවසන් ටෙස්ට් තරඟයෙන් අනතුරුව තමා ටෙස්ට් තරඟ පිටියෙන් ද සමුගන්නා බවට වෝනර් මිට පෙර නිවේදනය කොට තිබිණ.
ඒ අනුව ඩේවිඩ් වෝනර් ක්රීඩා කරන අවසන් ටෙස්ට් තරගය ජනවාරි 3 වනදා පකිස්තානයට එරෙහිව සිඩ්නිහි ආරම්භවීමට නියමිතයි.
වොනර්ගේ මේ සමුගැනීමේ තීරණයෙන් අනතුරුව ඉදිරියේදී ඔහු ඕස්ට්රේලියානු T 20 තරඟ වලට පමණක් ජාතික කණ්ඩායම නියෝජනය කරනු ඇත.
එක්දින පිටියෙන් ඉවත්වී ලීග් ක්රිකට් තරගවලට වැඩි අවස්ථාවක් ලබාදීමට තමන් අපේක්ෂා කරන බවද ඩේවිඩ් වෝනර් වැඩිදුරටත් ප්රකාශ කර තිබේ.
Share
