ඔස්ට්රේලියාවේ මේ දින වල පැවැත්වෙන Big Bash League ක්රිකට් තරගාවලියේ දෙවන අවසන් පූර්ව තරගය ලෙස බ්රිස්බන් හිදී ඊයේ (25/01) පැවති තරගයෙන් Brisbane Heat පරදා Sydney Sixers කණ්ඩායම සුපිරි පන්දු වාරයේදී ලකුණු 7 කින් ජය අත් කරගනිමින් අවසන් මහා තරගයට සුදුසුකම් ලැබීය.
කාසියේ වාසිය දිනු Sydney Sixers කණ්ඩායම Brisbane Heat හට ප්රථමයෙන් පන්දුවට පහරදීමට ආරාධනා කළේය.
ඒ අනුව Brisbane Heat කණ්ඩායම නියමිත පන්දුවාර 20 අවසානයේ කඩුලු 9 කට ලකුණු 167 ක් ලබා ගත්තේය.
එහිදී නායක බ්රෙන්ඩන් මැකලම් ලකුණු 46 ක් ලබා ගත්තේය.
පිළිතුරු ඉනිම ක්රීඩා කළ Sydney Sixers කණ්ඩායම පන්දුවාර 20 අවසානෙයේ කඩුලු 8 ක් පමණක් දැවී ලකුණු 167 ක් ලබා ගත් අතර තරගය ලකුණු සමවූ නිසා සුපිරි පන්දු වාරයක් ක්රියාත්මක කිරීමට තීරණය විය.
ඒ අනුව සුපිරි පන්දු වාරයට මුලින්ම මුහුණ දුන් Sydney Sixers කණ්ඩායම කිසිවෙකු නොදැවී ලකුණු 22 ක් ලබාගත් අතර Brisbane Heat කණ්ඩායමට ලබා ගත හැකි වුයේ ලකුණු 15 ක් පමණි.
ඒ අනුව මෙම තරගයෙන් ලකුණු 7 ක ජයක් අත් කරගැනීමට Sydney Sixers කණ්ඩායම සමත් විය.
Sydney Sixers කණ්ඩායමේ නායක Moises Henriques තරගයේ වීරයා සම්මානයෙන් පිදුම් ලැබීය.
