කොරෝනාවෙන් පීඩාවට පත් ඔස්ට්‍රේලියානු ආර්ථිකය ප්‍රතිසංස්කරණය කිරීම පිළිබඳ සාකච්ඡා කිරීමට ජාතික කැබිනට් මණ්ඩලය අද යළි රැස්වෙයි

කොරෝනා වසංගතයෙන් පීඩාවට පත් ඔස්ට්‍රේලියානු ආර්ථිකය ප්‍රතිසංස්කරණය කිරීම පිළිබඳ සාකච්ඡා කිරීමට අද (29/05) දිනයේ නැවතත් ජාතික කැබිනට් මණ්ඩලය රැස්වීමට නියමිතය.

ඉදිරියේදී ඔස්ට්‍රේලියාව තුළ රැකියා බිහිකිරීම වර්ධනය කිරීම, ආයෝජන වැඩි කිරීම හරහා ආර්ථික වර්ධනයක් ඇති කර ගැනීම පිළිබඳ එම රැස්වීමේදී මූලික වශයෙන් අවධානය යොමු කෙරෙනු ඇත.

ආර්ථික ප්‍රතිසංස්කරණ කිරීමේදී G-S-T අත්හිටුවීම ඇතුළු කුමන අන්දමේ බදු සංශෝධනයකට වුවද ඔස්ට්‍රේලියානු මධ්‍යම රජය විවෘත බව මේ සතිය මුලදී අගමැති ස්කොට් මොරිසන් පැවසුවේය.

කෙසේනමුත්, G-S-T ප්‍රතිසංස්කරණය කරනවානම් එය සංවාදයකට විවෘත කළ යුතු බව නිව් සවුත් වේල්ස් ප්‍රාන්ත අගමැතිනී Gladys Berejiklian පවසයි.