ඔස්ට්‍රේලියානු මධ්‍යම රජය විසින් ලබාදෙන JobKeeper වැටුප් සහන දීමනාව අද සිට (28/09) සංශෝධනය වේ.
ඒ අනුව පූර්ණ කාලීන සේවකයින් සඳහා මෙතෙක් දෙසතියකට වරක් ගෙවනු ලැබූ $1500 දීමනාව අද සිට $1200 ක් දක්වා අඩු කර ඇත.
එමෙන්ම සතියකට පැය 20 කට වඩා අඩුවෙන් සේවය කරන අර්ධ කාලීන සේවකයින්ට මෙතෙක් දෙසතියකට වරක් ගෙවනු ලැබූ $1500 දීමනාව අද සිට $750 ක් දක්වා අඩු කර ඇත.
නමුත් මෙම සෞඛ්‍ය අර්බුදය තුළ ඔස්ට්‍රේලියානුවන්ට මධ්‍යම රජය නොකඩවා සහාය දෙන බවට ඔස්ට්‍රේලියානු මධ්‍යම රජයේ භාණ්ඩාගාරික අමාත්‍ය Josh Frydenberg පොරොන්දු වී තිබේ.
