මෙල්බර්න් නුවර මෙම සති අන්තයේ දී පැවැත්වීමට නියමිත "Black Lives Matter" උද්ඝෝෂණයට සහභාගී වීම පිළිබඳව දෙවරක් සිතා බලන ලෙස වික්ටෝරියා හි පොලිස් අණදෙන නිලධාරිවරයා ජනතාවගෙන් ඉල්ලා සිටී.
ජෝර්ජ් ෆ්ලොයිඩ්ගේ අභාවයෙන් පසු ඇමරිකා එක්සත් ජනපදය තුළ ඇති වී ඇති සිවිල් නොසන්සුන්තාවයට ප්රතිචාර වශයෙන්, රටවල් ගණනාවක මේ වන විට, වර්ගවාදයට එරෙහිව විරෝධතා පැවැත්වේ. පර්ත් සහ සිඩ්නි යන ප්රාන්ත අගනුවර වල මේ වනවිටත් මේ වෙනුවෙන් වන උද්ඝෝෂණ පැවැත්විණ .
ඒ අනුව යමින් මේ සති අන්තයේදී මෙල්බර්න් හිදීද උද්ඝෝෂණයක් පැවැත්වීමට නියමිතයි. වික්ටෝරියා ප්රාන්ත සහකාර පොලිස් කොමසාරිස් ලූක් කොර්නේලියස් පවසන්නේ, මෙවැනි උද්ඝෝෂණ වලට සහභාගී වීමේදී කොරෝනා වෛරස අසාදනය වැලක්වීමට පනවා ඇති සමාජ දුරස්ථ භාවය පිලිබඳ වන නීති උල්ලංඝනය වීමෙන් ඇති විය හැකි ප්රතිවිපාක ගැන ජනතාව සිතා බැලිය යුතු බවයි.
