නිව් සවුත් වේල්ස්හි ප්රාදේශීය ප්රදේශ වල සිට තම ප්රාන්තයට ඇතුළුවන සංචාරකයින් සඳහා වන නිරෝධායන නීති ලිහිල් කරන බව දකුණු ඕස්ට්රේලියානු ප්රාන්ත රජය නිවේදනය කර සිටී. මෙම වෙනස්කම් අද සිට ක්රියාත්මකයි. ඒ අනුව නිව් සවුත් වේල්ස් හි ප්රාදේශීය ප්රදේශ වල සිට දකුණු ඔස්ට්රේලියාවට පැමිණෙන පුද්ගලයින් දින 12 ක කාලයක් ඇතුලත PCR පරීක්ෂණ 3 කට මුහුන දිය යුතු වේ.
එහෙත් තවමත් කොරෝනා තර්ජනය පවතින Greater Sydney, Central Coast, Blue Mountains සහ Wollongong යන ප්රදේශ සමඟ වල සිට පැමිණෙන පුද්ගලයින් සඳහා මෙම නීති ලිහිල් කිරීම අදාල නොවන බව දකුණු ඕස්ට්රේලියා ප්රාන්ත රජය පවසයි.
එසේම ග්රේටර් බ්රිස්බේන් සඳහා ද නීති වෙනස් නොවන අතර එහි සිට තම ප්රාන්තයට ඇතුළුවන පුද්ගලයින්ද දින 14 ක කාලයක් හෝටල් නිරෝධායනයට ලක්විය යුතු බව දකුණු ඕස්ට්රේලියා ප්රාන්ත අගමැති ස්ටීවන් මාෂල් පවසා සිටී.
