නවසීලන්තයේ වයිට් අයිලන්ඩ් ගිනි කන්ද පුපුරා යාම සම්බන්ධව පාර්ශව දහතුනකට චෝදනා

නවසීලන්ත "වර්ක් සේෆ්  ආයතනය විසින් පසුගිය වසරේ දෙසැම්බර් මසදී වයිට් අයිලන්ඩ් ගිනි කන්ද පුපුරා යාම සම්බන්ධයෙන් පාර්ශව දහතුනකට එරෙහිව චෝදනා ගොනු කර තිබේ.

ඉන් පාර්ශව දහයක් සඳහා නවසීලන්ත ඩොලර් මිලියන 1.5 ක උපරිම දඩයකට සහ සේවා ස්ථාන සෞඛ්‍ය හා සුරක්ෂිතතාව පිළිබඳ පනත ( health and safety at work Act)  යටතේ චෝදනා වලට මුහුණ දීමට සිදුවේ.

වර්ක් සේෆ් හි ප්‍රධාන විධායක ෆිල් පාක්ස් පවසන්නේ නවසීලන්ත නීති යට අනුව මෙම චෝදනා වනට ලක්වුණු පාර්ශව කවුරුන්ද යන්න පිළිබඳව ප්‍රසිද්ධියේ ප්‍රකාශ කල නොහැකි බවයි.

පසුගිය වසරේ දෙසැම්බර් මසදී නවසීලන්තයේ වයිට් අයිලන්ඩ් ගිනි කන්ද පුපුරා යාමේ සිද්ධියෙන් ඕස්ට්‍රේලියානුවන් 14 දෙනෙකු ඇතුළු පුද්ගලයින්  විසි දෙදෙනෙක්  මිය ගියහ.