ශ්රී ලංකාවේ 70 වන නිදහස් සැමරුම වෙනුවෙන් ශ්රී ලංකාව - ඉන්දියාව සහ බංග්ලාදේශය සහභාගි වන තුන්කොන් 20-20 නිදහස් කුසලාන තරඟාවලියේ කාලසටහන සංශෝධනය කර තිබෙන බව ශ්රී ලංකා ක්රිකට් ආයතනය පවසයි.
ඒ අනුව, ලබන මාර්තු මස 08 වනදා කොළඹ ආර්.ප්රේමදාස ක්රීඩාංගනයේදී ආරම්භ වීමට නියමිත වූ මෙම තරඟාවලිය මාර්තු 06 වන දින ආරම්භ කිරීම ශ්රී ලංකා ක්රිකට් ආයතනය තීරණය කර ඇත.
පැරණි කාල සටහනට අනුව තරඟාවලියේ අවසන් තරඟය අඟහරුවාදා දිනයකදී පැවැත්වීමට සැලසුම් කර තිබූ නමුත් එය ඊට පෙර යෙදෙන ඉරිදා දිනයේදී පැවැත්වීමට ගත් තීරණය මෙම සංශෝධනයට හේතුවූ බව පැවසේ.
ඉරිදා දිනයේදී ප්රේක්ෂකයින් වැඩි පිරිසක් ගෙන්වා ගැනීමේ අරමුණින් එම තීරණය ගත් බව ශ්රී ලංකා ක්රිකට් ආයතනය පවසයි.
Share
