අද (22/01) දිනය තුළ ඔස්ට්රේලියාවේ නිව් සවුත් වේල්ස් ප්රාන්තයේ ප්රදේශ කිහිපයකටම "Total fire ban" හෙවත් "සම්පූර්ණයෙන් ගිනි ඇවිලීම තහනම් තත්ත්වයක්" ප්රකාශයට පත් කර තිබේ.
ඒ අනුව නිව් සවුත් වේල්ස් ප්රාන්තයේ දකුණු දිග කලාපයේ, මධ්යම කලාපයේ මෙන්ම Hunter සහ සිඩ්නි නගර බද කලාප වල "සම්පූර්ණයෙන් ගිනි ඇවිලීම තහනම් තත්ත්වයක්" ප්රකාශයට පත් කර ඇත.
දකුණු සිඩ්නි ප්රදේශයේ පිහිටි "Royal National Park" හෙවත් "රාජකීය ජාතික උද්යානයේ" ඊයේ දිනයේදී හදිසියේ ගිනි ගැනීමක් සිදු වූ අතර ඒ හේතුවෙන් මේ වන විට එම උද්යානය වසා දමා ඇති බව වාර්තා වේ.
ඊයේ දිනයේදී නිව් සවුත් වේල්ස් ප්රාන්තය පුරා හටගත් ගිනිගැනීම් 35 ක් මැඩලීමට තම කාර්යය මණ්ඩලය දැවැන්ත මෙහෙයුම් වල නිරතවූ බව නිව් සවුත් වේල්ස් ප්රාන්තයේ දුෂ්කර කලාප ගිනි නිවන සේවාවේ නියෝජ්ය කොමසාරිස් Rob Rogers පැවසීය.
Share
