කොරෝනා වයිරසය යුරෝපය තුළ ශීග්‍රයෙන් පැතිර යාම නිසා මෙවර ප්‍රංශ පාපැදි සවාරිය පැවැත්වීම අවින්ශ්චිත වී තිබේ.
ලොව ප්‍රධාන‍තම පාපැදි සවාරිය ලෙස සැලකෙන ප්‍රංශ පාපැදි සවාරිය මෙවර ප්‍රේක්ෂකයන් රහිතව පැවැත්වීම සඳහා ප්‍රංශය අවධානය යොමුකරමින් සිටින බව වාර්තා වේ.
නමුත් මේ වන විටත් කොරෝනා වයිරසය පාලනය කිරීම සඳහා ප්‍රංශය මුළුමනින්ම වසා දමා ඇති නිසා මෙවර ප්‍රංශ පාපැදි සවාරිය පැවැත්වීම පිළිබඳ අවසන් තීරණය මැයි 15 ගැනීමට නියමිතය.
මෙවර ප්‍රංශ පාපැදි සවාරිය ජූනි මස 27 වැනිදා සිට ජූලි 19 වැනිදා දක්වා පැවැත්වීමට නියමිතව ඇත.
ප්‍රංශ පාපැදි සවාරිය ඔස්ට්‍රේලියාව තුළ විකාශනය කිරීමට නිල මාධ්‍ය හිමිකම හොබවන්නේ SBS මාධ්‍ය ජාලය වේ.
