උතුරු කොරියාවේ මිසයිල අත්හදා බැලීම සහ ඉන් කලාපයට ඇතිවන බලපෑම පිළිබඳ ඔස්ට්රේලියානු අග්රාමාත්ය මැල්කම් ටර්න්බුල් අද (06/09) උදෑසන ඇමෙරිකානු ජනාධිපති ඩොනල්ඩ් ට්රම්ප් සමග දුරකතනයෙන් සාකච්ඡා කිරීමට නියමිත බව වාර්තා වේ.
උතුරු කොරියාව පසුගිය ඉරිදා අධි බලැති හයිඩ්රජන් හෙවත් ජලකර බෝම්බයක් අත්හදා බැලූ අතර එය පසුගිය සමයේ ඔවුන් සිදු කළ හයවන න්යෂ්ඨික අත්හදා බැලීම ලෙසද වාර්තා වේ.
මේ අතර උතුරු කොරියාවේ මෙම ක්රියා සම්බන්ධයෙන් චීනය වගකීමෙන් යුතුව කටයුතු කළ යුතු බවට ඔස්ට්රේලියාව සහ ඇමෙරිකාව යන රටවල් ද්විත්වයේම නායකයින් ප්රකාශ කර සිටියි.
මේ අතර ඔස්ට්රේලියානු ආරක්ෂක ඇමතිනී Marise Payne මේ සම්බන්ධ සාකච්ඡා කිරීමට අද පස්වරුවේ දකුණු කොරියාව බලා පිටත්ව යාමට නියමිත බවද වාර්තා වේ.
Share
