ලොව වේගවත්ම මිනිසාටත් කොරෝනා වයිරසය ආසාදනය වෙයි

ලොව වේගවත්ම මිනිසා ලෙස හැඳින්වෙන ඔලිම්පික් පදක්කම් ලාභී හිටපු මළල ක්‍රීඩක උසේන් බෝල්ට් හට කොරෝනා වයිරසය ආසාදනය වී ඇතැයි වාර්තා වේ.

උසේන් බෝල්ට් මීට දින කිහිපයකට පෙර කොරෝනා පරීක්ෂණයකට මුහුණ දී ඇති අතර එහි ප්‍රථිපල ඊයේ ලැබී තිබේ.

එහිදී ඔහුට වයිරසය ආසාදනය වී ඇති බවට තහවුරු කර ඇත.

ඒ අනුව උසේන් බෝල්ට් මේ වන විට ස්වයං නිරෝධායනයට පිවිස ඇති බව ද වාර්තා වේ.

පසුගිය සිකුරාදා (21/08) උසේන් බෝල්ට් විසින් සිය 34 වෙනි උපන්දිනය ද සමරනු ලැබීය.