COVID-19 වසංගතයේ බරපතල බව පිළිබඳ සමාජයට අනතුරු ඇඟවීමට වික්ටෝරියානු ප්රාන්ත රජය නව ප්රචාරණ ව්යාපාරයක් දියත් කර තිබේ.
මෙතෙක් ඔස්ට්රේලියාවේ ප්රාන්තයකින් දිනකදී වාර්තා වූ ඉහළම කොරෝනා මරණ සංඛ්යාව වික්ටෝරියානු ප්රාන්තය විසින් ඊයේ වාර්තා කිරීමෙන් අනතුරුව මෙම නව ප්රචාරණ ව්යාපාරය දියත් කෙරිණි.
ඊයේ (10/08) අලුතින් වාර්තා වූ නව ආසාදිතයින් 322 දෙනාගෙන් 105 දෙනෙකුට වයිරසය ආසාදනය වූ අයුරු පිළිබඳ නිශ්චිත තොරතුරක් මෙතෙක් හමුවී නොමැත.
කොරෝනා වයිරසය මගින් වැඩිහිටියන්ට හෝ පූර්ව රෝග ලක්ෂණ පවතින අයට පමණක් අහිතකර සෞඛ්යමය බලපෑම් ඇති කරයි යන මිථ්යාව දුරු කිරීම මෙම බහු විධ ප්රචාරණ ව්යාපාරයේ අරමුණ බව වික්ටෝරියානු ප්රාන්ත අගමැති Daniel Andrews පැවසීය.
මෙම දැනුවත් කිරීම ඉංග්රීසි භාෂා වලට අමතරව වෙනත් භාෂා වලින්ද ප්රචාරය කෙරෙන බවද ඔහු පැවසීය.
Share
