Hogaamiyihii mucaaradka ee Xisbiga Labor-ka Australia Anthony Albanese, ayaa saaka isniinta (23/05/2022) loo dhaariyey in uu noqdo Raysul Wasaaraha Australia ee 31 aad, kadib markii xisbiga uu hogaaminayo uu dhigay guul taariikhi ah.
Dhaarta ka dib Anthony Albanese ayaa safar shaqo ugu kicitamey wadanka Japan, halkaasoo wadaxaajood uu kula leeyahay hogaamiyaasha wadamada Maraykanka, Japan iyo India.
Safartan ayaa waxaa Raysul Wasaaraha ku weheliya Wasiirka arimaha dibada Penny Wong, oo ka mida masuuliinta safka hore ee saaka la dhaartay Raysul Wasaare / Anthony Albanese, iyadooy ka mid ahaayeen masuulinta kala ah Kuxigaha Raysul Wasaaraha Richard Marles, Jim Chalmers, Khasnad Hayaha xukuumada iyo Katy Gallagher, wasiirka Ganacsiga.
Sababa la xidhiidha Safarta Raysul Wasaaraha ee kadiska ah, Wasaaradaha xukuumadiisa ka dhiman waxaa loo kala qaybiyey in ay hawlwadeen kasii ahaadaan masuuliinta la dhaaratay Raysul Wasaaraha, siina hayn doona inta laga dhaarin doono wasiirada kale ee xukuumada marka uu Albanese soo laabto.
