Australia ayaa u qoondaynaysa 105 milyan oo doolar oo loogu talo galay hubka dilaaga ah iyo kan aan dilaaga ahayn, iyo gargaarka binaadanimo ee dalka Ukraine.
Ra''iisul Wasaare Scott Morrison ayaa sheegay inuusan faahfaahino gaar ah bixin karin si aysan taasi Ruushka u siin macluumaad laakiin wuxuu sheegay RW Morrison inay ku jiraan gantaalo iyo rasaas.
Dawlada Federalka ayaa sidoo kale doonaysa inay gargaar binaadanimo u fidiso boqolaal kun oo qaxooti ah oo ku barakacay colaadda Ukraine.
Ra'iisul Wasaaraha ayaa sheegay in Ruushku ay iska dhigeen kuwo caalamka intiisa kale ka takooran.
"Waxaan ka hadlaynaa gantaalo, waxaan ka hadlaynaa rasaas. Waxaan ka hadlaynaa inay ka taageerno siday u difaaci lahaayeen dalkooda Ukraine, waxaana la kaashanaynaa NATO. Ma doonayo inaan faahfaahin dheeraad ah bixiyo sababtoo ah ma doonayo inaan Ruushka u sii sheegno waxa ku soo socda. Laakiin waxaan xaqiijinayaa inaan gargaarkaas siinayno Ukraine."
Mr Morrison ayaa sidoo kale sheegay inaan wali la hubin sharciyadda dadka doonaya inay qaataan baaqii Madaxweyeanaha Ukraine Volodymyr Zelenskyy oo ay Australia ka tagaan kana dagaalamaan Ukraine, isagoo RW intaa ku daray inay duqunimo wayn tahay in colaad socota la dhex tago.
