Barnaby Joyce ayaa markii labaad qabtay xilka labaad ee dalka ugu sareeyay isagoo noqday Ra'iisul Wasaare ku xigeen.
Mr Joyce ayaa si rasmi ah loogu dhaariyay xilka kadib xaflad lagu qabtay aqalka Governor Generalka David Hurley.
"Anigoo ah Barnaby Thomas Gerard Joyce, waxaan ku dhaaranayaa inaan si sax ugu shaqaynayo shacabka Australia anoo ku shaqaynaya xafiiska RW ku xigeenka, sidoo kalana noqonaya wasiirka gaadiidka, hurumarinta gobolada iyo kaabayaasha dhaqaalaha. Waxaan daacad u noqonayaa boqorada Australia, Queen Elizabeth, ilaahayna ha ii fududeeyo."
Lamaanaha Mr Joyce, Vikki Campion iyo caruurta ayaa joogay goobta lagu dhaarinayay.
RW Scott Morrison ayaa dhinaca onlineka uga qayb galay xaflada isagoo u hambalyeeyay Mr Joyce xilka cusub ee uu qabtay.
Waxaa hadda la sugayaa isku shaandhaynta golaha wasiirada.
