Ben Carson oo ah xoghayaha guryaha iyo horumarinta magaalooyinka ayaa qudbadiisii u horeeysay oo u jeediyo shaqaalaha wasaarada kaga hadlay waxa uu ugu yeeray dhaqanka wanaagsan ee Maraykanka oo ah inay tahay bulsho wax kasta qabsan karta.
Carson ayaa sheegay in dhaqankaas fiican uu tusaale u yahay dadkii adoonta Maraykanka lagu keenay { Slaves} oo ku tilmaamay muhaajiriin Maraykanka yimid iyagoo aan waxba haysan kadibna aad u shaeeyay.
Sidaas ayaa Maryakanka lagu yaqaan ayuu yir Mr Carson isagoo intaa ku daray in Maraykanku yahay dalkii riyada iyo fursadaha.
Dadkii qudbada xoghayaha dhagaysanayay ayaa la fajacay hadalka uu ku sheegay in dadkii adoonsiga Africa looga keenay ay la mid yihiin dadka muhaajiriin ah oo dalka yimid.
Ma ah markii u horaysay oo Mr Carson uu hadal muran dhaliyay sheego. Intuu ku jiray ololihii doorashada ayuu ku tilmaamay nidaamkii caafimaadka ee Obamacare wixii ugu xumaa ee Maraykanka soo mara ilaa adoonsigii.
Ben Carson wuxuu ahaa dhaqtar caruurta qala, wuxuuna ka mid ahaa musharaxiintii xisbiga jamhuuriga uga qaybgalay tartankii madaxweyne 2016.
Dr Ben Carson waa nin madow balse muxaafid ah hase yeeshee hadalkiisan u danbeeyay ayaa noqday mid aad muran u dhaliyay.
