Booliska Queensland ayaa aaminsan in maydka haween oo ay ka heleen koofur bari Brisbane inuu yahay Naima Hassan oo la waayay.
Xubno ka tirsan dadweynaha ayaa ka helay maydka xeebta Birkdale shalay galab saacadu markay ahayd 5:20 Talaadadii.
Booliska ayaa goobta xiray xalay oo dhan waardiye ka hayay iyadoo baarayaashu sugayaan baaritaan lagu samaynayo maydka si loo xaqiijiyo haybta iyo waxa sababay dhimashada.
Askarta booliska ayaa baaritaano dheeraad ah ka waday goobta laga helay maydka maanta oo Arbaco ah.
Naima Hassan ayaa markii u danbaysay qoyskeeda arkeen subixii Sabtida.
Waxaa mardanbe lagu arkay xarun batoolka laga gato halka gaarigeedii laga helay Wellington Reserve Axadii.
Wararkii u danbeeyay ayaa ilo ku dhow qoyska noo sheegeen in xubno qoyska ka tirsan la waydiiyay inoo soo eegaan maydka la helay balse wali taasi aysan dhicin.
