Premierka gobolka Victoria ayaa sheegay in 17 qof wali la la'yahay kadib masiibada dabka ka gubanayay bariga Gippsland maalintii Talaadada.
Booliska ayaa wali xaqiijin haybta mayd la helay laakiin waxaa lasoo wariyay in Buchan Mick Roberts uu gurigiisa ku dhintay.
Wado ayaa loo baneeyay si looga caawiyo cidkasta oo ka qaxaysa agaas iyadoo kulayl dheeraad ah la filayo maalmaha Jimcada iyo Sabtida.
Premier Daniel Andrews ayaa sheegayin walaac wayn laga qabo nolosha dadka maqan.
"Dad gaaraya 17 ayaan la ogayn meesha ay jiraan iyo mid la xaqiijiyay inuu geeriyooday. Haddii aan macluumaad dheeraad ah helnana waan idinla socodsiinaynaa. Macne ma samaynayso inaan goobaha ay dadkaas kala yimaadeen sheegno laakiin waxay ka wada maqan yihiin bariga Gippsland. Tiradaas inay sii korodho ayaa laga yaabaa," ayuu yiri Daneil Andrew.
Dhanka kalana Raiisul Wasaare Scott Morrison ayaa sheegay in jawaabta laga bixiyay dababka ay si fiican isaga kaashanayaan dawlada federalka iyo kuwa goboladu.
Mr Morrison ayaa dhaliilo uga imanayeen xisbiyada Greenka iyo Laborka sida uu uga howlgalay xaalada degdegaa ee dabka iyadoo Laborku codsaday shir degdeg ah oo gobolada iyo federalku yeehaan halka Greenku dalbaday gudi qaran.
Scott Morrison ayaa sheegay inuu fahmikaro sababta shacab badan oo Australian ah ay u walaacsan yihiin laakiin wuxuu intaa duray in loo baahan yahay in dadka xirfada u leh loo ogolaado inay shaqadooda qabsadaan.
"Waa fahmi karaa wareerka, waa fahmi karaa walaaca. Waa fahmayaa cabsida laakiin waxaan kaloo fahmayaa baahida loo qabo in dadka xirfada u leh iyo quburada loo ogolaado inay shaqadooda qabsadaan oo lana siiyo taageero kasta oo ay u baahan yihiin."
