Australia oo dhan dad ka badan 6,600 oo qof ayaa laga helay xanuunka COVID-19 iyadoo in ka badan 4,100 qofna ay ka soo kabsadeen.
Tirada dadka u dhintay ayaa gaartay 72 kadib markii labo qof oo kale ay ku geeriyoodeen gobolka NSW, hal qofna ku dhintay Victoria 24 saacadood ee u danbeeyay.
Labadan gobol ayay tirada dadka ugu badani ku dhinteen iyadoo NSW ay 30 qof ku geeriyoodeen halka Victoria ay 15 qof ku dhinteen.
Dhanka kalana Queensland ayaa shaacisay in markii ugu horeysay in ka badan labo bilood aan hal qofna laga helin xanuunka.
Premierka Victoria Daniel Andrews ayaa sheegay inay lagama maarmaan tahay inaysan dadku is dhigan.
"Dalal badan oo aduunka ah ayay xanibadaahan oo kale saarnaayeen. Way khafiifiyeen markaas ayuu caabuqii aad u fiday. Hadda waxay ku noqdeen xanibaado ka daran kaan ku jirno. Waan ogahay in xanibaadu adag tahay. Shaki marna iigama jiro in dadku dhibsanayaan xanibaadahan la saaray. Laakiin xanibaaduhu way shaqaynayaan," Ayuu yiri Mr Andrews
In ka badan 411,000 oo qof ayaa laga baaray xanuunka ilaa iyo hadda, waxaana laga helay xanuunka 1.6%.
