Gole deegaano ka badan 40 oo ku yaal NSW oo dhan ayaa lagu dhawaaqay inay yihiin aag masiibo iyadoo dawlada federalku bixinayso deeqo gaaraya 1 bilyan oo doolar oo lagu caawinayo bulshooyinka daadadku saameeyeen.
Si looga jawaabo masiibada daadadka, wasiiradda maaraynta masiibooyinka ayaa sheegtay in qaabab kala duwan lagu wado dadaalada iyo maalgalinta dib u soo kabashada.
Xafiiska Saadaasha Hawada ayaa ka digaya in dabaylo xoogan ku soo wajahan yihiin gobolada mid-north coast, central coast, south coasts iyo waliba Illawarra, Sydney iyo Hunter ee New South Wales.
Roobka ayaa qaadaya iyadoo RW Scott Morrison safar ku tagayo Lismore iyadoo la filayo inuu ku dhawaaqo inta uu halka ku sugan yahay in daadadku yihiin masiibo qaran.
Laakiin ku xigeenka RW Barnaby Joyce ayaa SKY News u sheegay inay dhici karto in dadweynaha halkaas degan aysan si diiran u soo dhawayn Ra'iisul Wasaaraha.
"Waa wax la garan karo inay doonayaan inay qeexaan xanuunka haya. Ma filayo inay dadka si fiican u soo dhawaynayaan sababtoo ma ay ku faraxsana sida wax u socdaan," ayuu yiri.
