Cudurkii Foot and Mouth (Raaf-dilaac & Cabeeb) ayaa jajab yaryar oo ka mida laga dhex helay hilib si qarsoodiya lagusoo galiyey wadanka Australia.
Mas'uuliyiinta dawlada Austraia, waxay sii wadn inay uxaqiijiyaan waaxda xoolaha ee Australia inay samaynayaan wax kasta oo ay awoodaan si ay uga hortagaan cudurka (Foot and Mouth) inuu gudaha soo gaadho, ka dib markii la helay jajabyo badan oo fayras ah.
Waxaa la fahamsan yahay in jajabka laga helay hilibka lo'da in uu kasoo galay Terminalka Caalamiga ah ee Adelaide, oo uu keenay rakaab ka yimid Indonesia oo aan sheegin.
Wasiirka beeraha Murray Watt ayaa meesha ka saaray baaqa ka soo yeeray Isbaheysiga ee ahaa in si ku meel gaar ah loo xiro xudduudaha Australia iyo Indonesia, isagoo ku eedeeyay mucaaradka inay siyaasadeynayaan xaaladda.
Madaxa Caafimaadka xoolaha ee Australia Mark Schipp ayaa ku celceliyay hadalka wasiirka, isaga oo u sheegay Channel Nine in wadanku khibrad u leeyahay iska ilaalinta cudurada cagaha iyo afka (Foot and Mouth).
