China ayaa dhinacyada isku haya ugu baaqday inay is xakameeyaan kadib tallaabada milatariga Ruushku ka qaaday Ukraine.
Laakiin afhayeen u hadlay wasaarada arimaha dibadda China Hua Chunying ayaa sheegtay inaan howlgalkan aan lagu sheegi karin duulaan.
"Marka laga hadlayo macnaha duulaan, waa inaan dib ugu laabano sida xaalada uga bilaabatay Ukraine. Waxaan marar badan hore u cadaynay in arinta Ukraine aysan marka taariiqin loo eego sahlanayn, xaalada hadda la galayna aysan taan filaynay. Waxaan rajaynaynaa in dhinacyada isku haya ayaa qaadaan tallaabo nabadda lagu siinayo fursad, xiisadana lagu dhamaynayo wadahadal iyo wadatashi sida ugu dhaqsaha badan."
Waxay dawlada Maraykanka ku dhaliishay inay Ukraine siisay qalab milatari iyadoo intaa ku dartay in China aysan sidaas yeelayn.
Waxay intaa ku dartay in Ruushku yahay quwad wayn, cidna uusan taageero uga baahnayn.
