Ciidanka Ruushka ayaa qabsaday warshada Nukliyeerka Chernobyl.
Tan ayaa imanaysa saadaco kadib markii madaxweynaha Ukraine Volodymyr Zelenskyy uu bartiisa twitterka ku qoray in ciidaanka Ruushka ee dalka ku soo duulay ay isku dayayaan inay qabsadaan goobta warshadu ku taal.
Warshadan ayaa ah goobtii ay ka dhacday masiibadii nukliyeer ee aduunka ugu xumayad markii ay qaybta korontada warshadu qaraxday taas oo shucaac sun ah hawada Yurub oo dhan ku sii daysay.
Warshadan ayaa ku taal meel 130 km u jirta caasimada Ukraine ee Kyiv. Warshadan ayaa qaraxa ka dib waxaa lagu daday dahaar joojinaya shucaacuhu inuu baxo iyadoo warshada howlgab laga dhigay oo aan shaqayn.
Ra'iisul Wasaaraha Ukraine Denys Shmyhal ayaa warka qabsashada warshada ku dhawaaqay.
"Nasiib daro, waxaan idiin sheegayaa in waqtigan la joogo aaga Chernobyl, oo loo yaqaan aagii qaraxa iyo dhamaan warshadii nukliyeerka Chernobyl ay ciidanka Ruushku la wareegeen. Cidna qasaaro kama soo gaarin, sida laga soo xigtay maamulka xarunta."
