Kormeeraha Guud ee Bilayska Kenya Joseph Boinnet, ayaa sheegay in tirada dadkii ku geeriyooday weerarkii iyo qaraxii lala beegsaday hotelka DusitD2 in ay gaadhay 21 qof.
Masuulka Bilayska ayaa sheegay in 6 mayd oo kale laga helay burburkii, iyadoo hal askari isagana uu u dhintay dhaawac kasoo gaaray weerarkaas.
Dadka la xaqiijiyay ilaa iyo haatan dhimashadooda ayaa waxa ay kala yihiin 16 Kenyana, hal qof oo Britain u dhashay, hal qof oo Maraykan u dhashay, iyadoo sadexda qof ee kale aanan wali la aqoonsanin jinsiyadahooda.
Masuulkan Bilayska u hadlay ayaa waxa uu sheegay in laba qof loo qabtay weerarkaas lala beegsaday Hotelkaas , iyadoo uu sheegay in labadan qof ay hawl fududayn u sameeyeen dhinacyadii weerarka qaaday, sheegayna haatan in lagu hayo saldhig bilays, su’aalana la weydiinayo.
