Doodii ahayd maalinta Australia Dayda, ayaa iyadu sii balaadhanaysa, iyadoo mudo yar ay ka hadhay dabaaldagii Australia Dayda.
Doodan labada dhinac loo kala saftay ayaa falsafada ka danbaysa ayaa waxa ay tahay, in qaar ka mida dadka Aburujinalka ah, ay aaminsanyihiin, in maalintan ay ka dhigantahay maalintii oogu horaysay ee doomihii dadka cadaanka ahi la socdeen ay yimaadeen magaalada Sydney sanadii 1788. Taasoo Indiginouska ooga dhigan maalin aan farxada ahayn
xisbiga Greenka ayaa iyagu kusoo biiray taageerida ololaha in 26 bisha January, laga badalo maalinka Australia Dayda.
Hogaamiyaha Xisbiga Greenka Richard Di Natale, ayaa yidhi, dhamaan shacabka Australia waxa ay rabaan maalin, ay isu wada imani karaan, ayna u dabaaldagaan kala duwanaanshaha shacabka , bulsha furan oo xorra, balse buu yidhi January 26, ma aha maalintaas.
Senator Di Natale, ayaa sheegay in xisbigiisu uu u ololaynayo in la badalo maalinta Australia Dayda , iyadoo la ilaalinayo dhaqanka bulshada, iyadoo ay oogu yeedheen in la doorto maalin ay dhamaan dadku dabaaldegi karaan.
Qaar ka mid ah golayaasha deegaanka ee Victoria, ayaa badaley taariikhdii ay dabaaldagi jireen, waxaana ka mida golahayaasha Yarra, Darebin iyo Fremantle.
Balse dhankeeda Dawlada Federaalka ahi waa ay kasoo horjeedsatay in wax talaaba ah loo qaado badalida maalinta Australia dayda. Ciqaabo ayayna la tiigsatay Golayaasha Deegaan, ee munaasabada Australia Dayda badalaya , iyagoo u adeegsanaya awooda ay u leeyihiin in ay ka badalaan dabaaldega maalintaas ee lagu qaato dhalashooyinka,
Ra'iisul wasaare Malcolm Turnbul, ayaa isagu shaaca ka qaaday in uu aad ooga xunyahay dooda la galiyay maalinta Australia Dayda.
Dhankiisa wasiirka Jinsiyada iyo arimaha dhaqanka, Alan Tudge, ayaa Sky Newska u sheegay in maalinta Australian Daydu, ay tahay maalin weyn oo midaysa wadanka
Xidigii horee ciyaarta tenniska Pat Cash, ayaa u sheegay in uusan mar danbe u dabaaldagi doonin maalinta Australia Dayga ee 26 January, kadib markii uu ka shaqeeyay deeq aruurin Caruurta loo aruurinayay taasoo wax loogu qabanayo Qoysaska Indigenouska ee Northern Territory.
