Cleo oo ah gabadhii afar-jirka ahayd ee reer Western Australia (WA) oo muddo laba toddobaad ah la la'aa ayaa booliiska WA heleen xalayto 1dii habeennimo iyadoo nool oo nabad qabta. Muddo yar ka dibna waxay u geeyeen waalidkeeddi.
Booliisku waxay sheegeen inay xalay abbaaro 1dii habeennimo xoog ku galeen guri ku yaalla magaalada Carnarvon oo ku taallaa waqooyiga WA, halkaana ay kasoo saareen Cleo. Askari booliiska ka mid ah ayaa kor u qaaday gabadha yar, oo isla markiiba u ku yidhi: "Magacaa?", waxayna ku jawaabtey: "magacaygu waa Cleo".
Booliisku waxay sheegeen inay halkaa ku qabteen nin ay hadda gacanta ku hayaan.
Cleo ayaa 16kii October, laga waayey goob ay iyada iyo waalidkeenu ku dalxiisayeen. Cleo ayaa laga waayey teendho ay huriddey, iyadoo markiiba booliisku ka shaakiyeen in la qaatay iyada oo hurudda. Intii ka dambeysayna waxay booliiska WA ku wadeen baadhitaan aan kala go' lahayn.
Ra'iisal wasaare Scott Morrison ayaa bartiisa Twitter-ka ku qoray:
"Waa war wanaagsan oo lagu nefiso. Cleo waa la helay nabad-qabna way ku joogtaa gurigoodii. Ducooyinkeennii waa la aqbaly. Way mahadsan yihiin booliiskii badnaa ee ku raad joogey helidda Cleo, qoyskeedan taageerayey"
