Ninkii dilay 58 qof dhaawacayna inka badan 520 qof weerar toogasho oo uu ku qaaday dad daawanay xaflad muusig ah ayaa sida lasoo wariyay shubay lacag gaaraysa 100 Kun oo doolarka oo Maraykanka ah maalmo ka hor wuxuuna sidoo kale kamerooyin ku xiray qolka uu ka deganaa hoteelka si uu u ogaado cidkasta oo kusoo socda.
Saraakiisha ku sugan magaalada ayaa sheegay inay maalmo uga hartay intay kasoo afjarayaan baarida goobta danbigu ka dhacay oo ah qol ku yaal dabaqa 32 aad ee hoteelka Mandalay Bay oo Stephen Paddock oo 64 jir ahaa uu ka qaaday weerarkan dadka badani ku dhinteen.
Maamulayaasha ayaa wali isku dayaya inay ogaadaan ujeedada iyagoo indhaha ku haya gabadha uu la saaxiibka ahaa ninkan oo Australian ah MariLou Danley oo hadda Maraykanka dib ugusoo noqotay.
Ku dhawaad 50 qori oo uu lahaa Mr Paddock ayaa laga helay 3 goobood oo kal duwan.
Muuqaal laga duubay kamareada booliska u xiran oo lasii daayay ayaa muujinay jahawareerka jiray intii weerarku socday.
Kevin McMahill oo booliska ka tirsan ayaa amaanay sida boolisku uga jawaabeen dhacdadan wuxuuna yiri
"Waa ognahay ninkan uu riday dhowr iyo toban xabadood, waxaan kaloo ognahay in xabada uu joojiyay 10:19 fiidnimo. Markii u horeeyay oo boolisku ogaadeen xabada waxay ahayd 10:08 waxayna xabadu joogsatay 10:19 marka jawaab degdeg ah oo boolisku qaadeen.'
